科記遊園地: Y 遊歷遍天下

Showing posts with label Y 遊歷遍天下. Show all posts

Saturday, December 08, 2012

我的初馬．奈良(五) - 是夜早休篇

其實返鄉下，唔計上一次昏迷唔識醒之外...都好少話會一早訓。

原因係行到八點八點半..食野九點半之後

仲要躝下FAMILY MART LAWSON夜收一百円店...

唔夠喉去埋激安唐吉訶德....先捨得慢慢爬番酒店...

今次唔同喇...我鐵定九點訓覺，所以七點就去食飯..

你睇下我又影心齋橋悶唔悶死你...XD

開始有D聖誕氣氛喇....有個題外話，話說五點幾果陣我常買杯咖啡飲下..

點知STARBUCKS..EXCELISOR....乜乜物物COFFEE SHOP都排晒長龍，結果我咪慳番囉..喂喂喂

使唔使咁多人呀大佬..

連食野我都唔敢食D咩野，雖然金龍都係好多油，但係都叫做有飯(要食多D飯補充同埋儲存碳水化合物先有力跑)...

同埋自己個肚見識過好多次，所以我都搵左佢黎食..900 YEN嘅晚餐又相當巳飽飽算係咁啦...

冇辦法喇雖然唔算好眼訓但係始終都要充足精神，你睇下我...第二朝要六點七上車呀....(返工都冇咁神心)

你計埋果一個鐘時差，我四點九個字已經起左身....不過我都算做僅僅訓到八個鐘....

我的初馬．奈良(四) - 美食盡在阪急三番街篇

我地就坐巴士黎到JR奈良轉番去梅田，咁就可以慳番轉車時間。

但係我係有少少估唔到係竟然貴過轉御堂筋線...

奈良縣依我所見真係冇乜高樓大廈，非常古色古香...同我上次去三重果邊一樣...

呢個EVENT好多本地人SUPPORT，又有人舉晒牌咁話俾你知會場喺邊..

行克梅田地下街大迷宮之後，我地就去左阪急三番街食下野咁...

不過阪急三番街B2果層食街真係.....多野食到暈....(好耐)之前介紹過幾層饅魚飯江戶川...

http://www.h-sanbangai.com/

不過亦都好多人，咁岩有間有兩個位我地就入左去。

係食刺身飯的....可以免費添飯同埋面鼓湯..

就係呢間乜乜家，佢個位非常近KIDDY LAND......點解我地吸左去...

就係因為佢地囉......呢個SET有蒸蛋、大中小拖羅同埋面鼓湯....

仲有係非常厚切添.....仲要只係1280 YEN.....仲要出奇地新鮮......只係命都俾你攞嘛..

雖然我成日有FD話，野食梗係北海道好又平又靚，係你岩............

邊得閒同你計較咁多丫....

我的初馬．奈良(三) - 奈良馬拉松會場篇

其實我係從來都冇去過奈良，所以搵奈良去跑馬拉松係有少少古怪XD

首先帶大家去會場先，咁由難波去奈良就一係JR一係近鉄啦

當然近鉄嘅快速急行就係首選，三十八分鐘就可以..如果JR坐大和路快速嘅話就要50分鐘。

無論係去景點或者去我陣間報到嘅鴻池運動場都好遠吓....

原本我已經諗好點去，不過一出閘....

已經有好多指路人(我唔知佢係唔係義工)，可惜嘅未有能力同佢地好好溝通。

果然係奈良嘅其中一件盛事.......不過我...更加想擁有佢地果件風褸....

咁出左地鉄站之後....咦........

沿路都會有佢地為你指下口路....

不過當然啦，我一早已經熟讀地圖....果然點行都係....行番出大路...

咁大約要20分鐘步程就會到達鴻池陸上競技場...

咁就當然分左好多個區等D選手可以PICKUP D 號碼布紀念品之類...而我呢...

原來我喺呢邊......外國人條隊....好明顯係叫做無人....

俾大家幾個好有趣嘅統計:

報左名玩全馬: 11,406人
有幾多外國人(唔係住喺日本)參加: 52人
最多外國人參加地區: 登登登...!!香港!!!! 24人，呢個數目比山陰/九州(福岡除外)/東北同埋沖繩都要多!!!!!

可見香港人對馬拉松嘅熱情!!

喺對面就有人喺到SELL D 按摩膏之類....

我見佢SELL得呁落力我就買左....點知出面藥房賣平100 YEN.....

咁會場出面呢仲有一個EXPO嘅地方，咁就有.....

首先有個FULL COURSE嘅圖....42.195公里!!!

有個演講台+頒獎台...

當然啦你諗下所謂EXPO就同我地平時年宵市場果D野差唔多....首先係紀念品舖...

本來我真係好想大手購入，不過.....

成千五円塊毛巾我就放棄左....有個標誌嘅燒餅都成三百円一塊...

另外就係攪到周圍好香嘅熟食檔...!!!!!主要係D飽肚野如拉面燒餅章魚燒之類....

另外就係奈良縣其他市嘅宣傳檔.....比較值得留意就係天理市因為我都有成個鐘時間踏足佢地...

另外就係印有LOGO嘅衫....

最好我買左呢一款....尚算合理的2200YEN....!!

咁睇完我地就搭巴士番JR奈良轉車去大阪站，梅田是也..

如果大家都呢個EVENT有興趣，可以去:
http://www.nara-marathon.jp/

記得好耐之前，唔知邊個8玩大踢爆話九成嘅箱根溫泉酒店都係俾熱水過大家當溫泉....

我覺得唔係問題嘅，因為我不嬲都覺得溫泉旅館係高(無論係錢同埋時間)消費活動..

所以大阪嘅CROSS HOTEL 絕對係我見過最好嘅代替品.....

首先同大家再講一次佢嘅LOCATION:
(今次應該俾上次準確...)

御堂筋線心齋橋站(近大丸出口)12分
御堂筋線難波站(B14出口)5分 (所以佢其實係近難波少少)
最重要的...南海難波站(連接關西機場)12分
道頓堀...30秒應該都可以喇......

(網上圖片)

呢個酒店其實係主打型格又或者你可以話係精品...

好似有D陰陰沉沉咁...唔.....唔知係唔係..

我印象中呢間酒店係有大執過.......想遮住D野掛......

都唔算細有22平米......

呢個就係主角...懶係溫泉式嘅淋浴設備，不過依然都係咁舒服...

廁所特大就係呢間酒店嘅特色.....比較少見有水送.

另外仲有浴鹽同埋歐舒丹嘅護膚品送..

不過唔好理個櫃底D野喇.....XD

不過呢都提醒一下大家，日本呀南韓D酒店有時會開定暖氣俾你...但係我估九成香港人應該唔係好受得

因為間房真係會焗到有少少抖唔到氣，最快捷嘅方法係....立即開窗..(當然要調節番個暖風機...)

張床好舒服都係佢嘅賣點..!!!

不過呢幾年下來，CROSS HOTEL嘅價錢都UPGRADE左唔少...

當年九百唔使，而家就要千三蚊一晚...(大家唔好幫我計當日我果間UPGRADED左嘅房喇...)

可能YEN回番少少喇已經，而家BOOKED都可以抵番少少....所以大家不妨再考慮下佢...

真心話一則，我又有幾何真係可以返鄉下HEA....如果係..我一定會大字標題寫:「科記HEA遊XXXX」

呢D我希望不久嘅將來有機會發生...

我的初馬．奈良(一) - 一開始已有祝福篇

從標題可見，大家可以知道.........

小弟終於都搵到一個新花式去旅行喇.....哈哈哈哈....

首先係咁2解釋一下..初馬者，第一次正式參加馬拉松也。

可惜嘅係，內子嘅年假已經被小弟掃得九九十十，所以只可以去三日二夜，前後得果六十五個鐘<--唔使計得咁盡掛..

雖然大家可能以為小弟坐凌晨機經驗豐富，應該無問題掛....

事實上次已經中左蕉全程訓唔著，不過今次我覺得自己真係幸運兒....

可能果個星期工作太忙...所以一直都訓得唔好....又或者係咁...星期五果日已經攰到死死下....

一放工執一執完野....

(1)收到短信話班機DELAY40分....(2)原本諗住早D機場....就可以慳番....

結果我就即刻....上床一訓就係兩個幾鐘.....搞到成十二點半先起身....一點八先到機場....

跟住上到機睇睇下「聽風者」...悶到訓埋........結果我前後訓左四個鐘。果日係有D眼訓但起碼都叫做思路清晰

兩款飛機餐都不過不失....夠味唔難食...

空姐話嘅「豬肉飯」竟然係咕嚕肉.......

去埋個殊殊就直上RAPIT南海空港線特急....有人話500 YEN坐特急呃錢，喺香港我會好介意

但返鄉下我就冇所謂，訓都訓得舒服D..

不過....果幾日大阪真係好鬼凍....我都唔明...點解小弟每一次去大阪都咁凍....全程冇一刻高過八度...

我回程都係坐佢.....唔知點解回程只係收1100 YEN....我又賺左喇...

Saturday, October 13, 2012

樂桃兩天夢幻行(十) - 趕趕急急返屋企篇

一日倉敷之行就隨住時間一分一分流逝結束......

咁望一望錶都成五點半...一定要起行喇........

咁我先話番俾大家知究竟我地點趕返去香港....

5:45 - 6:00 (JR山陽本線)倉敷->岡山
6:10 - 6:55 (新幹線のぞみ)岡山->新大阪
7:15 - 8:10 (關西特急はるか)新大阪->關西空港
9:20 - 0:10 (MM67)關西空港->香港...

你都唔好以為我地會諗轉車時間會唔會發左癲搵月台....錯十分鐘時間我地仲可以去搵下有咩買...<--死不足惜嘅購物狂是也..

最後尾我見左佢地三次都決定入手嘅新幹線啤牌...!!超靚!!