科記遊園地: 漫活東京(二)

究竟香港仲可以容得下多少家拉麵店呢? 又或者究竟成功有咩秘技呢?好食?絕對唔係...

當然啦我唔會喺呢度講拉麵歷史<--因為我唔識.....

但我嘗試用我見到嘅野話俾大家知....

當我知道香港就快開一蘭之後，我就立即喺東京整番個先...

目的係得一個，我就係想盡快有一個印象.....等香港果間冇咁多人嘅時候.....去做個比較....

咁你唔好以為喺東京食就唔使等....錯.....喺我印象之中...我係未試過唔使等....!!

好食呢兩個字，俾人感覺就係主觀兼冇參考性...好似你做左咁多年人一樣..總有D FRIEND係同你岩傾 D

有D同你食野口味岩D一樣啦......就正如你可能日日都話食麥記HEAVY....但總會有一日你突然有選擇困難症

你就會自動自覺入左麥記....

同埋食PIZZA HUT一樣，好少人話PLZZA HUT好食但叫PIZZA食你一定係(七八成啦而家開始有CHOICE) 搵 PIZZA HUT HOTLINE...

當然啦點勁都好，最緊要岩香港人口味....比較成功嘅例子裡面係點嘅呢?

第一我會想起一風堂....一風堂香港係美心旗下嘅......佢特別嘅地方係...都係側重九州拉麵...即係豬骨湯底.....

再加上香港地道飲食文化(茶記文化乜鬼都有得食成間好似居酒屋咁).....一風堂係應該可以再EXPAND....

但一定要有嚴緊嘅管理，早幾年我都仲成日行入一平安，呢間野曾經係我喺香港食拉面嘅首選。

因為像真度有七至八成...幾年前黎講算係非常難得....

可惜係你永遠守住七八成....好似一蘭咁話要做到九成半似(所有嘅野要日本急凍黎，咩都係日本料)

咁你就立即比下去喇....所以我都好幾年冇幫襯....因為潮流呢D野...真係不進則退

(再加上佢地招呼又差左，又做埋D港式茶樓學人收小食費呢D行為，根本就係自殺)

我對豚王所知不多...但係視覺同味覺上佢地都係非常出色......

不過呢........佢地都係做豬骨湯嘅......同埋係純粹拉麵唔做其他野.....

可以做到味千咁就真係冇野講喇....人家已經係上市公司呢....

佢地成功之處係咩....平!!同樣嘅野七十蚊就可以一定飽....

好唔好食咩?同上面講PIZZA HUT一樣道理....佢唔會好好食但唔會令你極度失望....

呢個先係食店嘅一個終極目標...

既然博多天神都可以喺東京生存....我都相信金龍係有空間嘅......至於有咩HIDDEN原因就唔知咁多....

喺日本都比較少，喺香港就更加少之又少嘅拈麵(即係撈麵)，就似乎唔多入流

我對於拈面唔係太抗拒，之但係佢一直都只可以做配角做唔到主打...

我諗唔到點解......可能係因為拈面嘅份量一般較大同埋....要夾黎夾去D人有嫌麻煩掛>>>>

不過大勝軒呢個就以魚介作為湯底...可能就要小心DD喇....因為香港人正餐好少食甜野.....

而呢個湯底就真係甜嘅..........

但係一D以為用日本人作為招徠嘅店舖，好多時候都係得啖笑.....

西九龍廣場果間隱世....唔....我覺得大家笑下就算喇....

無敵家(池袋果間)嘛.....我覺得佢地係一個傳奇，但係要佢再EXPAND你覺得可唔可以呢.....

我岩岩知道佢地(終於)會開分店...但就真係冇人知道佢地點MANAGE喇...

其實我覺得佢地碗拉面最厲害係加大唔使$.......

另一種可以成功上位，相信不論香港同埋日本都會得嘅...就係選擇多<--頭先好似講過喎

除左食品選擇多，拉面選擇多嘛.....

大家可能都知道，係香港先有成廿種出前一丁....咁鬼多口味..

而四天王同埋山頭火做得起嘅原因就係湯底選擇多......!!

雖然個人口味覺得四天王好麻麻.....

但係香港山頭火好似有D停滯不前....希望可以有進步啦...

如果唔係好快就會........

有幾種喺香港就我相信好難會有出頭天.......

包括小弟強硬推介.....神座拉麵....

點解香港會做唔起呢....

我覺得有二..一就係神座本身唔係豬骨底...香港人俾最紅果幾間洗腦洗得好犀利...

所以其他嘅可能要時間適應...(你睇尖咀間倉吉拉麵就知喇...)

最弊就係:神座個底比較清，D人就會覺得...咩呀咪即係史雲生清雞湯定係樓下D大地魚呀...

佢就即時死亡喇...(仲要加多句廿蚊食到點解要俾七八十......)