漫活東京(一) - 不想記起不能忘記．CX504篇

上一次坐CX504...係05年!!!

06,07,08年三次都係大阪入東京走(即係CX506)
跟住08年開始就有ANA/JAL凌晨機，一RUN就RUN左兩年幾....坐到10年...

11, 12年我係坐CX548(羽田)同埋CX524(成田凌晨)
踏入13年，終於到左我地八年冇坐嘅機
以前，504已經係最早可以去到東京嘅國泰航班...
頭兩次去我都有疑惑，攪完一輪要成差不多六點先去到出面(之前成田入境排隊差不多成個鐘)
早去晚返一樣都係冇晒D時間...有冇D好D嘅方法架?

咁今次神推鬼乜之下終於再次上呢班機....之但係...

我一上機嘅感覺就係...乜呢九年架機都冇裝修過?

架機殘到呢.....仲有野都唔明，其實之前都有人提過，更加唔明點解最多人坐嘅班次

佢永遠都會派D咁舊機黎....想點呢?

我地幫碟沙律改左個好有深度又準確嘅花名 : 「廚餘」...!!!

呢架機上有幾件事真係冇得頂，第一件事就係見下圖........

第二件事就係我坐小弟隔離果位先生經常批掙小弟...結果訓著都俾佢整醒....仲有就係佢有次去完廁所

竟然大動作到一掌打落我張枱度.....咁岩我張枱上面又有兩杯野........好彩只係張枱濕.....

講開張枱......竟然係冇抺過.....上手D污漬仲喺度......

其實呢個空姐姐姐係比較勤力嘅一位.......不過呢........你俾我捉到你釣魚就.......嘻嘻.....